سياسة الخصوصية
توضح هذه الصفحة البيانات اللي يجمعها Card4Us (موقع استلام حسابات Steam وخدمة العملاء على الواتساب)، وليش نجمعها، ومين يطّلع عليها، وكيف تمارس حقوقك وفق نظام حماية البيانات الشخصية في المملكة العربية السعودية ولوائحه.
1. الجهة المسؤولة عن بياناتك
Card4Us، المملكة العربية السعودية. للتواصل في أي شي يخص بياناتك: واتساب +966533836006.
2. البيانات اللي نجمعها
- بيانات الطلب من متجرنا في سلة: اسمك، رقم جوالك، بريدك، رقم الطلب، والمنتجات اللي اشتريتها.
- عند استخدام صفحة استلام الحساب: رقم الطلب اللي تكتبه، وعنوان IP ومعلومات جهازك ومتصفحك، لحماية الحساب ومنع مشاركته.
- سجلات استخدام الحساب: أوقات طلب كود الدخول وتسجيل الدخول، والموقع التقريبي للدخول كما يرسله Steam.
- محادثاتك معنا على الواتساب: نص الرسائل والصور والرسائل الصوتية اللي ترسلها، واسمك كما يظهر في الواتساب.
- ما نجمع بيانات الدفع: الدفع يتم داخل منصة سلة، وما توصلنا بيانات بطاقتك.
3. ليش نستخدمها
- تسليم الحساب وكود الدخول لصاحب الطلب فقط.
- حماية الحسابات من المشاركة أو تغيير كلمة المرور، وتطبيق حدود المحاولات.
- الرد على استفساراتك وحل المشاكل على الواتساب.
- إرسال رسائل متعلقة بطلبك، مثل التسليم والتذكيرات والتنبيهات الأمنية.
- تحسين الموقع وقياس استخدامه بأدوات إحصاء مثل Google Analytics.
4. استخدام الذكاء الاصطناعي
نستعين بخدمات ذكاء اصطناعي من شركات خارجية في الحالات التالية:
| الحالة | البيانات اللي تنرسل | الخدمة |
|---|---|---|
| مساعد الواتساب يفهم رسالتك ويكتب الرد | نص رسالتك وآخر رسائل المحادثة ورقم طلبك، بعد حذف رقم جوالك وإيميلك واسمك (انظر «تقليل البيانات» تحت) | DeepSeek، وبديله Google Gemini |
| قراءة الصور والرسائل الصوتية اللي ترسلها | الصورة أو المقطع الصوتي | Google Gemini |
| صفحة الطلب إذا ما انلقى رقم الطلب أو اللعبة | النص اللي كتبته وأسماء منتجات الطلب | Google Gemini |
تقليل البيانات قبل الإرسال: قبل ما تروح أي رسالة من محادثتك للمساعد، يبدّل نظامنا رقم الجوال والإيميل واسمك برموز، مثل «[جوال-1]» و«[العميل]». المساعد يشتغل على الرموز، ونظامنا يرجّع القيم الحقيقية بنفسه داخل خوادمنا لما يدوّر على طلبك أو يرسل لك الرد. فشركات الذكاء الاصطناعي ما يوصلها من المحادثة رقم جوالك ولا إيميلك ولا اسمك. رقم الطلب ومفتاح المنتج يوصلون مثل ما هم، لأن المساعد يحتاجهم للمساعدة وما يعرّفون بشخصك لحالهم.
الصور والرسائل الصوتية تنرسل مثل ما هي لأن الخدمة تحتاج تقرأها، فلا تصوّر بيانات شخصية ما لها علاقة بالمشكلة.
- ما نرسل للذكاء الاصطناعي كلمات مرور حسابات Steam ولا بيانات الدفع.
- الذكاء الاصطناعي يساعد في فهم الطلب وصياغة الرد. أما تسليم الحسابات والأكواد فيتحقق منه النظام بقواعد ثابتة، والفريق يراجع الحالات اللي تحتاج قرار.
- تقدر في أي وقت تكتب «الدعم» في الواتساب ويتحوّل طلبك لموظف من الفريق.
- هذي الشركات تعالج البيانات على خوادمها خارج المملكة: Google في الولايات المتحدة ودول أخرى، أما DeepSeek ففي الصين.
5. مع مين نشارك بياناتك
- سلة: منصة المتجر اللي يتم فيها الطلب والدفع.
- واتساب (Meta): لإرسال الرسائل واستقبالها.
- خدمات الذكاء الاصطناعي المذكورة في البند 4.
- Google Analytics: لإحصاءات زيارة الموقع.
- مزوّد الاستضافة: اللي تعمل عليه خوادم الموقع.
- الجهات الحكومية إذا طلبها النظام.
ما نبيع بياناتك لأي جهة.
6. نقل البيانات خارج المملكة
بعض الخدمات المذكورة تعالج البيانات خارج المملكة. نرسل لها البيانات اللازمة للخدمة فقط، ونحذف رقم الجوال والإيميل والاسم من المحادثات قبل إرسالها كما في البند 4، ونلتزم في النقل بأحكام نظام حماية البيانات الشخصية ولائحة نقل البيانات خارج المملكة.
7. مدة الاحتفاظ
نحتفظ بالبيانات طوال ما يلزم لتقديم الخدمة وضمانها والرد على الاستفسارات، وحسب ما تفرضه الأنظمة، وبعدها نحذفها أو نخليها بصيغة ما تدل على صاحبها.
8. حماية البيانات
الموقع يعمل باتصال مشفّر (HTTPS)، والوصول للوحة الإدارة محصور في المخوّلين ومحمي بالتحقق بخطوتين، ونحصر الاطلاع على بياناتك في اللي يحتاجها لخدمتك.
9. حقوقك
وفق نظام حماية البيانات الشخصية، لك الحق في:
- العلم بكيفية جمع بياناتك واستخدامها.
- الوصول لبياناتك وطلب نسخة منها.
- تصحيح بياناتك أو تحديثها.
- طلب إتلاف بياناتك إذا ما عاد فيه حاجة لها، ما لم يلزمنا نظام بالاحتفاظ بها.
- سحب موافقتك على المعالجة اللي تعتمد على الموافقة.
لطلب أي حق من هذي الحقوق، تواصل معنا على الواتساب، ونرد عليك خلال 30 يوم. ولك حق تقديم شكوى للهيئة السعودية للبيانات والذكاء الاصطناعي (سدايا).
10. ملفات تعريف الارتباط (الكوكيز)
نستخدم كوكيز ضرورية لتسجيل دخولك لصفحة الطلب وحماية الجلسة، وكوكيز إحصائية من Google Analytics. تقدر تحذفها أو توقفها من إعدادات متصفحك.
11. تحديث السياسة
ممكن نحدّث هذي السياسة، وننشر أي تعديل في هذي الصفحة مع تاريخ آخر تحديث.